13 වන ජාතික සහාය පුහුණු කිරීමේ නායක පාඨමාලාව සඳහා සම්මුඛ පරීක්ෂණය බාලදක්ෂ මූලස්ථානයේදි ……..

Aug 13, 2026News

ශ්‍රී ලංකා බාලදක්ෂ සංගමය විසින් ආසියා පැසිෆික් කලාපීය බාලදක්ෂ කාර්යාලයේ සහයෝගීත්වය ද සමඟ සංවිධානය කරනු ලබන 13 වන ජාතික සහාය පුහුණු කිරීමේ නායක පාඨමාලාව (Assistant Leader Training Course – ALT) සඳහා වූ සම්මුඛ පරීක්ෂණය අගෝස්තු 13 දින ජාතික මූලස්ථාන පරිශ්‍රයේදී සාර්ථකව පැවැත්විණි.
දිවයින සියලුම බාලදක්ෂ දිසා නියෝජනය කරමින්, සුදුසුකම් සපුරා ඇති නායක නායිකාවන් 102 දෙනෙකු සම්මුඛ පරීක්ෂණයට සහභාගී වූහ.
ප්‍රධාන කොමසාරිස් නීතිඥ මනෝජ් නානායක්කාර මහතාගේ සහ ජාතික පුහුණු කිරීමේ කොමසාරිස් කර්නල් (විශ්‍රාමික) පද්මලාල් පෙරේරා මහතාගේ උපදෙස් හා පූර්ණ අධීක්ෂණය යටතේ සම්මුඛ පරීක්ෂණ කටයුතු සිදු වූ අතර, එය ජාතික පුහුණු කිරීමේ මණ්ඩලය විසින් මෙහෙයවන ලදී.
මෙවර ALT පාඨමාලා සම්මුඛ පරීක්ෂණය, නායකත්වය, ඉගැන්වීමේ හැකියාව, බාලදක්ෂ පුහුණුකරණය සහ අදාළ අනෙකුත් නිපුණතා පිළිබඳ පුළුල් ඇගයීමක් සිදු කෙරෙන විධිමත් හා උසස් මට්ටමේ සම්මුඛ පරීක්ෂණ ක්‍රමවේදයක් යටතේ පැවැත්විණි.
පිළිගත හැකි හේතු මත සම්මුඛ පරීක්ෂණය සඳහා සහභාගී වීමට නොහැකි වු නායක නායිකාවන් සඳහා අගෝස්තු 27 වන නැවත සම්මුඛ පරීක්ෂණයක් පැවැත්වේ.
එළඹෙන ඔක්තෝබර් මාසයේදී පැවැත්වීමට නියමිත, ඉහත පාඨමාලාවේ පාඨමාලා අධ්‍යක්ෂවරයා ලෙස ජාතික පුහුණු කිරීමේ කොමසාරිස් කර්නල් (විශ්‍රාමික) පද්මලාල් පෙරේරා මහතා කටයුතු කිරීමට නියමිත අතර නියෝජ්‍ය පාඨමාලා නායකයන් ලෙස ජාත්‍යන්තර කොමසාරිස් වෛද්‍ය අසංක ඒරියාව මහතා සහ ජාතික පුහුණු කිරීමේ අධ්‍යක්ෂ හා මූලස්ථාන කොමසාරිස් ඉන්ද්‍රජිත් රාමනායක මහතා කටයුතු කිරීමට නියමිතය.
තවද, ආසියා පැසිෆික් කලාපීය සහයෝගීතා මධ්‍යස්ථානය නියෝජනය කරමින් එහි විශේෂඥ පුහුණුකරණ මණ්ඩලයේ සාමාජිකයන් (APR Specialist Panel Members) කිහිපදෙනෙකු ද මෙම පාඨමාලාවේ ආචාර්ය මණ්ඩලයේ සාමාජිකයන් ලෙස එක්ව, පුහුණුකරණ කටයුතු සඳහා සිය විශේෂඥ දැනුම හා අත්දැකීම් ලබා දීමට නියමිතය.

Related

Latest News

𝗣𝗿𝗲𝘀𝗶𝗱𝗲𝗻𝘁’𝘀 𝗦𝗰𝗼𝘂𝘁 𝗔𝘄𝗮𝗿𝗱 𝗜𝗻𝘁𝗲𝗿𝘃𝗶𝗲𝘄- 𝗦𝗲𝗰𝗼𝗻𝗱 𝗜𝗻𝘁𝗲𝗿𝘃𝗶𝗲𝘄

𝗣𝗿𝗲𝘀𝗶𝗱𝗲𝗻𝘁’𝘀 𝗦𝗰𝗼𝘂𝘁 𝗔𝘄𝗮𝗿𝗱 𝗜𝗻𝘁𝗲𝗿𝘃𝗶𝗲𝘄- 𝗦𝗲𝗰𝗼𝗻𝗱 𝗜𝗻𝘁𝗲𝗿𝘃𝗶𝗲𝘄

ශ්‍රී ලංකා බාලදක්ෂයන්ගේ උසස්ම ප්‍රදානය වන ජනාධිපති බාලදක්ෂ පදක්කම සඳහා වන සම්මුඛ පරීක්ෂණය ඔක්තෝම්බර් 11 වන ඉරු දින ජාතික බාලදක්ෂ මූලස්ථාන පරිශ්‍රයේදී පැවැත්විණි. ඔක්තෝම්බර් මාසය සඳහා වූ දෙවන සම්මුඛ පරීක්ෂණය වන එම සම්මුඛ පරීක්ෂණය ප්‍රධාන කොමසාරිස් නීතිඥ මනෝජ්...

ශ්‍රී ලංකා ජාතික බාලදක්ෂ ජම්බෝරිය සඳහා රාජ්‍ය හා පෞද්ගලික අංශයේ සහාය ලබාගැනීම පිළිබඳ සාකච්ඡාවක්…

ශ්‍රී ලංකා ජාතික බාලදක්ෂ ජම්බෝරිය සඳහා රාජ්‍ය හා පෞද්ගලික අංශයේ සහාය ලබාගැනීම පිළිබඳ සාකච්ඡාවක්…

ශ්‍රී ලංකා බාලදක්ෂ සංගමයේ 11 වැනි ජාතික බාලදක්ෂ ජම්බෝරිය සඳහා අනුග්‍රහක සහාය ලබාදෙන රාජ්‍ය හා පෞද්ගලික ආයතනවල ප්‍රධානීන් සහ ජනාධිපති ලේකම් ආචාර්ය නන්දික සනත් කුමානායක මහතා අතර සාකච්ඡාවක් ඔක්තෝම්බර් 6 දින ජනාධිපති ලේකම් කාර්යාලයේදී පැවැත්විණි. මෙහිදී, ජාතික බාලදක්ෂ...